ആദ്യ മത്സരത്തിലേറ്റ തോൽവിയ്ക്ക് ശേഷം വിജയ വഴിയിലേക്ക് എത്തുവാന്‍ സൺറൈസേഴ്സ് ഹൈദ്രാബാദും മുംബൈ ഇന്ത്യന്‍സും ഇന്ന് ഏറ്റുമുട്ടുന്നു. മത്സരത്തിൽ ടോസ് നേടി മുംബൈ നായകന്‍ ഹാര്‍ദ്ദിക് ബൗളിംഗ് തിരഞ്ഞെടുക്കുകയായിരുന്നു. ഇരു ടീമുകളും കഴിഞ്ഞ മത്സരത്തിൽ നേരിയ വ്യത്യാസത്തിനാണ് പരാജയം ഏറ്റുവാങ്ങിയത്. സൺറൈസേഴ്സ് കൊൽക്കത്തയോടെ 4 റൺസിന് പരാജയപ്പെട്ടപ്പോള്‍ ഗുജറാത്തിനോട് 6 റൺസ് തോൽവിയാണ് മുംബൈ വഴങ്ങിയത്.
രോഹിത് ശര്‍മ്മ തന്റെ ഇരുനൂറാം ഐപിഎൽ മത്സരത്തിനിറങ്ങുന്നു എന്ന പ്രത്യേകത കൂടി ഇന്നത്തെ മത്സരത്തിനുണ്ട്. മുംബൈ നിരയിൽ ലൂക് വുഡിന് പകരം ക്വെന മപാക മത്സരത്തിനിറങ്ങുന്നു. അതേ സമയം സൺറൈസേഴ്സ് നിരയിൽ ഏതാനും മാറ്റങ്ങളുണ്ട്. മാര്‍ക്കോ ജാന്‍സന് പകരം ട്രാവിസ് ഹെഡും നടരാജന് പകരം ജയ്ദേവ് ഉനഡ്കടും മത്സരത്തിനെത്തുന്നു.
സൺറൈസേഴ്സ് ഹൈദ്രാബാദ്: : Travis Head, Mayank Agarwal, Abhishek Sharma, Aiden Markram, Heinrich Klaasen(w), Abdul Samad, Shahbaz Ahmed, Pat Cummins(c), Bhuvneshwar Kumar, Mayank Markande, Jaydev Unadkat
മുംബൈ ഇന്ത്യന്‍സ്: Ishan Kishan(w), Rohit Sharma, Naman Dhir, Tilak Varma, Hardik Pandya(c), Tim David, Gerald Coetzee, Shams Mulani, Piyush Chawla, Jasprit Bumrah, Kwena Maphaka
