ആര്‍സിബി നൽകിയ 200 റൺസ് വിജയ ലക്ഷ്യം പിന്തുടര്‍ന്നിറങ്ങിയ മുംബൈയ്ക്ക് വേണ്ടി ഇഷാന്‍ കിഷനും സൂര്യകുമാര്‍ യാദവിനുമൊപ്പം നിര്‍ണ്ണായക ബാറ്റിംഗ് പ്രകടനമാണ് പുതുമുഖ താരം നെഹാൽ വദേര പുറത്തെടുത്തത്. തനിക്ക് മുന്‍ മത്സരങ്ങളിൽ നിന്ന് അപേക്ഷിച്ച് ബാറ്റിംഗ് ഓര്‍ഡറിൽ നേരത്തെ ഇറങ്ങാൻ ലഭിച്ച അവസരം താന്‍ ഏറെ ആസ്വദിച്ചുവെന്നും തുടര്‍ച്ചയായ രണ്ട് മത്സരങ്ങളിൽ അര്‍ദ്ധ ശതകം നേടാനായതിൽ സന്തോഷമുണ്ടെന്നും വദേര സൂചിപ്പിച്ചു.
താന്‍ അവസാനം വരെ ബാറ്റ് ചെയ്യുകയാണെങ്കിൽ ടീമിനായി ഫിനിഷിംഗ് റോള്‍ ചെയ്യാനാകുമെന്ന വിശ്വാസം തനിക്കുണ്ടായിരുന്നുവെന്നും വദേര വ്യക്തമാക്കി. സൂര്യകുമാര്‍ യാദവ് ടോപ് ക്ലാസ് പ്ലേയറാണെന്നും താന്‍ അദ്ദേഹത്തിന്റെ ഷോട്ടുകള്‍ കോപ്പി ചെയ്യുവാന്‍ ശ്രമിക്കാറുണ്ടെങ്കിലും അതിന് സാധിക്കാറില്ലെന്നും താരം കൂട്ടിചേര്‍ത്തു.
