ഐപിഎലിലെ തന്റെ ഉയര്‍ന്ന സ്കോര്‍ നേടി ശിഖര്‍ ധവാന്‍, എന്നാല്‍ ശതകത്തിനായി കാത്തിരിക്കണം

Sports Correspondent

Download the Fanport app now!
Appstore Badge
Google Play Badge 1

ടി20യില്‍ തന്റെ കന്നി ശതകത്തിനായി ശിഖര്‍ ധവാന്‍ ഇനിയും കാത്തിരിക്കണം. ഇന്ന് ശതകത്തിനു 3 റണ്‍സ് അകലെ വരെ എത്തിയെങ്കിലും പിയൂഷ് ചൗള എറിഞ്ഞ 19ാം ഓവറിലെ അഞ്ചാം പന്തില്‍ സിക്സ് നേടി കോളിന്‍ ഇന്‍ഗ്രാം മത്സരം ഡല്‍ഹിയ്ക്കനുകൂലമാക്കി മാറ്റിയപ്പോള്‍ ശിഖര്‍ 97 റണ്‍സുമായി പുറത്താകാതെ മറുവശത്ത് നില്‍ക്കുകയായിരുന്നു. തന്റെ ഐപിഎലിലെ ഏറ്റവും ഉയര്‍ന്ന സ്കോറാണ് ഇന്ന് ശിഖര്‍ നേടിയത്. 95 റണ്‍സായിരുന്നു ഇതിനു മുമ്പുള്ള മികച്ച സ്കോര്‍.

സിക്സ് അടിച്ച ശേഷം ശിഖറിനോട് ഇന്‍ഗ്രാം മാപ്പ് പറയുന്നതായാണ് ടിവിയിലെ ദൃശ്യങ്ങളിലെ “ലിപ് മൂവ്മെന്റില്‍” നിന്ന് മനസ്സിലാക്കാവുന്നത്. എന്നാല്‍ പ്രൊഫഷണല്‍ താരമെന്ന നിലയില്‍ ധവാനും ടീമിന്റെ വിജയത്തിനു തന്നെയാവും പ്രാധാന്യം നല്‍കുക. ഇതിനു മുമ്പ് ചില മത്സരങ്ങളില്‍ ജയിക്കേണ്ട സ്ഥിതിയില്‍ നിന്ന് ഡല്‍ഹി ബാറ്റിംഗ് നിര തകരുന്ന കാഴ്ച മുമ്പ് കണ്ടിട്ടുള്ളതിനാല്‍ ജയം തന്നെയാവും ശിഖറും ഏറെ വിലമതിക്കുക.