നേപ്പാള്‍ താരം സന്ദീപ് ലാമിച്ചാനെയ്ക്ക് ഐപിഎല്‍ മെഗാ ലേലത്തിൽ താല്പര്യക്കാരില്ല. 40 ലക്ഷത്തിന്റെ അടിസ്ഥാന വിലയുള്ള താരത്തിനെ വാങ്ങുവാന്‍ ആരുമില്ലായിരുന്നു. ഇന്ന് ലേലത്തിന്റെ ആദ്യ ദിവസം അവസാനമായാണ് താരത്തിന്റെ പേര് എത്തിയത്.
അതേ സമയം സായി കിഷോറിന് 3 കോടി രൂപ ലഭിച്ചു. താരത്തെ ഗുജറാത്ത് ആണ് സ്വന്തമാക്കിയത്. 20 ലക്ഷം അടിസ്ഥാന വിലയുള്ള താരത്തിന് രാജസ്ഥാന്‍ റോയൽസ് ആണ് ആദ്യമായി താരത്തിനായി രംഗത്തെത്തിയത്.
പിന്നീട് ഡല്‍ഹിയും ചെന്നൈയും പഞ്ചാബും സൺറൈസേഴ്സും ഗുജറാത്തിനൊപ്പം രംഗത്തെത്തിയെങ്കിലും അന്തിമ വിജയം ഗുജറാത്തിനൊപ്പം നിന്നു.
