രോഹിത് ശര്‍മ്മ പൊരുതുന്നത് ബൗളര്‍മാര്‍ക്കെതിരെയല്ലെന്നും സ്വയം ആണെന്നും പറഞ്ഞ് വീരേന്ദര്‍ സേവാഗ്. മോശം ഫോം തുടരുന്ന രോഹിത്ത് കഴിഞ്ഞ രണ്ട് മത്സരങ്ങളിൽ പൂജ്യത്തിന് പുറത്താകുകയായിരുന്നു. ടെക്നിക്കൽ പ്രശ്നങ്ങള്‍ അല്ല മാനസികമായി താരത്തിന് പ്രശ്നങ്ങള്‍ സൃഷ്ടിക്കുന്നതാണ് മോശം ഫോമിന് കാരണം എന്നും സേവാഗ് കൂട്ടിചേര്‍ത്തു.
താരത്തിന് മെന്റൽ ബ്ലോക്ക് ഉണ്ടെന്നും ബൗളര്‍മാരോ ടെക്നിക്കോ അല്ല പ്രശ്നം എന്നും താരത്തിന്റെ മനസ്സിൽ എന്തോ ആശയക്കുഴപ്പം ഉണ്ടെന്നും സേവാഗ് വെളിപ്പെടുത്തി. എന്നാൽ താരം എന്നാണോ ഫോമിലാവുന്നത് അന്ന് എല്ലാ കടങ്ങളും വീട്ടുമെന്നും സേവാഗ് പറഞ്ഞു.
ഇതുവരെ പത്ത് മത്സരങ്ങളിൽ നിന്ന് താരം 184 റൺസാണ് നേടിയത്.
