ഇന്നലെ സൺറൈസേഴ്സിനെതിരെയുള്ള മത്സരത്തിൽ 228 റൺസാണ് കൊൽക്കത്തയുടെ ബൗളര്‍മാര്‍ വിട്ട് നൽകിയത്. എന്നാൽ തന്റെ ബൗളര്‍മാര്‍ക്ക് പിന്തുണയുമായി നിതീഷ് റാണ.
ആന്‍ഡ്രേ റസ്സലും സുനിൽ നരൈനും ഒഴികെ ബാക്കി ബൗളര്‍മാരെല്ലാം കണക്കിന് പ്രഹരം ഏറ്റുവാങ്ങുകയായിരുന്നു സൺറൈസേഴ്സിനെതിരെ. എന്നാൽ തന്റെ ബൗളര്‍മാര്‍ക്ക് ഒരു മോശം മത്സരം മാത്രമാണുണ്ടായതെന്നും ഇതേ ബൗളര്‍മാര്‍ തന്നെ വിജയത്തിലേക്ക് നയിക്കുമെന്നും കൊൽക്കത്ത നൈറ്റ് റൈഡേഴ്സ് നായകന്‍ വിശദമാക്കി.
പ്രധാന ബൗളര്‍മാര്‍ വരെ ഇന്ന് റൺസ് വഴങ്ങിയെന്നും എന്നാൽ തനിക്ക് അവരെ കുറ്റം പറയാനാകില്ലെന്നും കാരണം ഇവര്‍ തന്നെ നാളെ തന്നെ വിജയത്തിലേക്ക് നയിക്കുമെന്നും ഈ വിക്കറ്റ് ഒരു 230 റൺസ് വിക്കറ്റ് അല്ലായിരുന്നുവെന്നും നിതീഷ് റാണ പറഞ്ഞു.
