ബംഗ്ലാദേശ് പേസര്‍ മുസ്തഫിസുര്‍ റഹ്മാന് ഐപിഎല്‍ കളിക്കുവാനുള്ള നോ ഒബ്ജക്ഷന്‍ സര്‍ട്ടിഫിക്കറ്റ് നല്‍കി ബംഗ്ലാദേശ് ക്രിക്കറ്റ് ബോര്‍ഡ്. താരത്തിനെ 2021 ഐപിഎല്‍ ലേലത്തില്‍ അടിസ്ഥാന വിലയായ ഒരു കോടി രൂപയ്ക്ക് രാജസ്ഥാന്‍ റോയല്‍സ് ആണ് സ്വന്തമാക്കിയത്.
ശ്രീലങ്കയ്ക്കെതിരെയുള്ള ടെസ്റ്റ് പരമ്പരയില്‍ താരത്തിനെ പരിഗണിക്കാത്തതിനാല്‍ തന്നെ മുസ്തഫിസുര്‍ ഐപിഎല്‍ കളിക്കുന്നതാവും താരത്തിനും ബംഗ്ലാദേശിനും ഗുണം എന്ന ബോര്‍ഡ് കരുതുന്നതായി ബംഗ്ലാദേശ് ക്രിക്കറ്റ് ബോര്‍ഡ് ചീഫ് സെലക്ടര്‍ മിന്‍ഹാജുല്‍ അബേദിന്‍ വ്യക്തമാക്കി.
2021 ടി20 ലോകകപ്പ് ഇന്ത്യയില്‍ ഒക്ടോബറില്‍ നടക്കാനിരിക്കുന്നതിനാല്‍ മുസ്തഫിസുറിന് ഐപിഎല്‍ കളിക്കുന്നത് ഗുണകരമാകുമെന്നാണ് ബോര്‍ഡിന്റെ വിലയിരുത്തല്‍.
