ചെന്നൈ സൂപ്പർ കിംഗ്സിന് വീണ്ടും ഒരു തിരിച്ചടി. പരിക്കേറ്റ പേസ് ബൗളർ മുകേഷ് ചൗധരി ഈ സീസണിൽ ഇനി കളിക്കില്ല. ഗുജറാത്ത് ടൈറ്റൻസിനെതിരായ ടൂർണമെന്റ് ഉദ്ഘാടനത്തിന് മുന്നോടിയായുള്ള ഈ വാർത്ത ചെന്നൈക്ക് ഒട്ടും ആശ്വാസം നൽകുന്ന വാർത്തയല്ല. പകരക്കാരനെ ഇതുവരെ സിഎസ്‌കെ പ്രഖ്യാപിച്ചിട്ടില്ല. ബെംഗളൂരുവിലെ ദേശീയ ക്രിക്കറ്റ് അക്കാദമിയിൽ ചൗധരി ഇപ്പോൾ ചികിത്സയിലാണ്.
കഴിഞ്ഞ ഐ പി എല്ലിൽ 13 മത്സരങ്ങളിൽ നിന്ന് 16 വിക്കറ്റുകൾ താരം വീഴ്ത്തിയിരുന്നു. 2022 മെഗാ ലേലത്തിനിടെ ഇടങ്കയ്യൻ പേസറെ 20 ലക്ഷം രൂപയ്ക്ക് ആയിരുന്നു സി എസ് കെ താരത്തെ വാങ്ങിയത്. 2022 ഡിസംബർ 2-ന് സൗരാഷ്ട്രയ്‌ക്കെതിരെ മഹാരാഷ്ട്രയ്‌ക്കായി വിജയ് ഹസാരെ ട്രോഫി ഫൈനലിന് ശേഷം ചൗധരി ഇതുവരെ ഒരു മത്സരവും കളിച്ചിട്ടില്ല. നേരത്തെ ഓൾറൗണ്ടർ കെയ്ൽ ജാമിസണെയും പരിക്കുമൂലം സിഎസ്‌കെയ്ക്ക് നഷ്ടമായിരുന്നു
