ഇംഗ്ലീഷ് പ്രീമിയർ ലീഗ് ക്ലബായ മാഞ്ചസ്റ്റർ യുണൈറ്റഡ് സെന്റർ ബാക്ക് വരാനെയെ സ്വന്തമാക്കാൻ ഇറ്റാലിയൻ ക്ലബായ യുവന്റസ് രംഗത്ത്. ഫ്രീ ഏജന്റായ വരാനെയുമായി യുവന്റസ് ചർച്ചകൾ നടത്തുന്നതായി ഇറ്റാലിയൻ മാധ്യമങ്ങൾ റിപ്പോർട്ട് ചെയ്യുന്നു. വരാനെ ഈ സീസൺ അവസാനത്തോടെ മാഞ്ചസ്റ്റർ യുണൈറ്റഡ് വിടാൻ നിൽക്കുകയാണ്.
താരത്തിന്റെ കരാർ യുണൈറ്റഡ് പുതുക്കില്ല. താരത്തിന്റെ കരാർ ഒരു വർഷത്തേക്ക് കൂടെ പുതുക്കാനുള്ള വ്യവസ്ഥ ഉണ്ട് എങ്കിലും അത് യുണൈറ്റഡ് ഉപയോഗിച്ചിരുന്നില്ല. ഇനി 2 മാസത്തെ കരാർ മാത്രമെ വരാനെയ്ക്ക് ബാക്കിയുള്ളൂ.
ജനുവരി മുതൽ വരാനെ ഫ്രീ ഏജന്റാണ്.
അവസാന രണ്ട് സീസണിൽ അധികമായി യുണൈറ്റഡിനൊപ്പം ഉണ്ടായിരുന്ന വരാനെക്ക് കുറച്ച് കാലമായി ഫിറ്റ്നസ് പ്രശ്നങ്ങൾ ഉണ്ടായിരുന്നു. ടെൻ ഹാഗ് അടുത്ത സീസണിൽ പുതിയ സെന്റർ ബാക്കുകളെ വാങ്ങാൻ ശ്രമിക്കും എന്നാണ് സൂചന. വരാനെയെ തേടി സൗദി അറേബ്യൻ ക്ലബുകളും ഇപ്പോൾ രംഗത്ത് ഉണ്ട്.
എങ്കിലും താരം യൂറോപ്പിൽ തുടരാൻ ആണ് ആഗ്രഹിക്കുന്നത്. യുവന്റസ് ആണെങ്കിൽ അടുത്ത സീസണിൽ ടീമിനെ തിരികെ കിരീട പോരാട്ടത്തിലേക്ക് കൊണ്ടുവരാൻ ആണ് ആഗ്രഹിക്കുന്നത്. അവർ ടീം ശക്തമാക്കാൻ ആയി നിരവധി സൈനിംഗുകൾ നടത്താൻ ശ്രമിക്കുന്നുണ്ട്.
