ഗുജറാത്ത് ടൈറ്റൻസും മുംബൈ ഇന്ത്യൻസും തമ്മിലുള്ള മത്സരത്തിൽ ഏഴാമനായി എത്തിയ ഹാർദിക് പാണ്ഡ്യയെ വിമർശിച്ച് മുഹമ്മദ് ഷമി. ഹാർദിക് നേരത്തെ ഇറങ്ങിയിരുന്നു എങ്കിൽ മുംബൈ ഇന്ത്യൻസ് കളി ജയിച്ചേനെ എന്ന് ഷമി പറഞ്ഞു
“ഹാർദിക് ഗുജറാത്തിനായി മൂന്നാം നമ്പറിൽ ബാറ്റ് ചെയ്യാറുണ്ടായിരുന്നു. നിങ്ങൾ മൂന്നാം നമ്പറിലും നാലാം നമ്പറിലും വന്നിട്ടുണ്ട്. നിങ്ങൾക്ക് മുംബൈയ്ക്ക് വേണ്ടി അത് ചെയ്യാൻ ആകാത്തത് എന്താണ്?” ഷമി ചോദിച്ചു.
“നമ്പർ 7 ൽ ആണ് ഹാർദിക് ഇന്നലെ ഇറങ്ങിയത് എന്ന് തോന്നുന്നു. ഏതാണ്ട് ഒരു വാലറ്റക്കാരൻ ആയി. നിങ്ങൾ ഏഴാം നമ്പറിൽ വരുമ്പോൾ, നിങ്ങൾ സ്വയം നിങ്ങളെ സമ്മർദ്ദത്തിൽ ആക്കുകയാ‌ണ്. ഹാർദിക് നേരത്തെ വന്നിരുന്നെങ്കിൽ കളി ഇത്രയും മുന്നോട്ട് പോകില്ലായിരുന്നു” ഷമി പറഞ്ഞു.
