ഡൽഹി ക്യാപിറ്റൽസിൻ്റെ താരമായ മിച്ചൽ മാർഷ് ഇനി ഈ സീസൺ ഐ പി എല്ലിൽ കളിക്കില്ല. താരം പരിക്ക് മാറാൻ കൂടുതൽ ചികിത്സയ്ക്ക് ആയി ഓസ്ട്രേലിയയിലേക്ക് കഴിഞ്ഞ ആഴ്ച പോയിരുന്നു. മാർഷ് ഇനി തിരിച്ചു വരില്ല എന്ന് ക്ലബ് അറിയിച്ചു. ലോകകപ്പിനു മുമ്പ് ഫിറ്റ്നസ് വീണ്ടെടുക്കുക ആകും താരത്തിന്റെ ഉദ്ദേശം.
മാർഷ് ഈ സീസണിൽ ക്യാപിറ്റൽസിനായി നാല് മത്സരങ്ങളിൽ കളിച്ചു. ബാറ്റിലും ബൗളിംഗിലും കാര്യമായ സംഭാവനയൊന്നും താരം നൽകിയില്ല, ആകെ 61 റൺസ് ആണ് നേടിയത്. ബൗളിംഗും
മെച്ചമായിരുന്നില്ല. 52 റൺസ് വഴങ്ങി ആകെ ഒരു വിക്കറ്റ് മാത്രമാണ് ടൂർണമെന്റിൽ നേടിയത്.
ജെയ്ക് ഫ്രേസർ-മക്ഗുർക്ക് മാർഷിനു പകരം ഇറങ്ങി അവസാന മത്സരങ്ങളിൽ തിളങ്ങിയിരുന്നു.
