സൺറൈസേഴ്സ് ഹൈദ്രാബാദിനെതിരെ 192/5 എന്ന സ്കോര്‍ നേടി മുംബൈ ഇന്ത്യന്‍സ്. കാമറൺ ഗ്രീന്‍ 40 പന്തിൽ പുറത്താകാതെ 64 റൺസും ഇഷാന്‍ കിഷന്‍(38), രോഹിത് ശര്‍മ്മ(28), തിലക് വര്‍മ്മ(17 പന്തിൽ 37 റൺസ്), ടിം ഡേവിഡ്(16) എന്നിവരുടെ ബാറ്റിംഗ് മികവിലാണ് മുംബൈ ഈ സ്കോര്‍ നേടിയത്.
2 വിക്കറ്റ് നേടിയ മാര്‍ക്കോ ജാന്‍സെന്‍ ആണ് സൺറൈസേഴ്സ് നിരയിൽ തിളങ്ങിയത്. ആദ്യം ബാറ്റ് ചെയ്ത മുംബൈയ്ക്കായി ഓപ്പണിംഗ് വിക്കറ്റിൽ 4.4 ഓവറിൽ 41 റൺസാണ് രോഹിതും ഇഷാനും ചേര്‍ന്ന് നേടിയത്.
രണ്ടാം വിക്കറ്റിൽ ഗ്രീന്‍ – ഇഷാന്‍ കൂട്ടുകെട്ട് 46 റൺസ് കൂടി നേടി. സൂര്യകുമാര്‍ യാദവ് മോശം ഫോം തുടര്‍ന്നപ്പോള്‍ ജാന്‍സെന്‍ ഇഷാനെ പുറത്താക്കിയ ഓവറിൽ തന്നെ യാദവിനെയും മടക്കിയയ്ച്ചു. നാലാം വിക്കറ്റിൽ 56 റൺസ് തിലക് വര്‍മ്മയ്ക്കൊപ്പം ഗ്രീന്‍ നേടി. അഞ്ചാം വിക്കറ്റിൽ ടിം ഡേവിഡ് – ഗ്രീന്‍ കൂട്ടുകെട്ട് 41 റൺസാണ് നേടിയത്.
