ലഖ്നൗ സൂപ്പർ ജയന്റ്സ് അവരുടെ ഐപിഎൽ 2023 കാമ്പെയ്നിലെ ശേഷിക്കുന്ന മത്സരങ്ങൾക്ക് ആയി ഓൾറൗണ്ടർ സൂര്യാൻഷ് ഷെഡ്ഗയെ ടീമിൽ എത്തിച്ചു. പരിക്കേറ്റ ജയദേവ് ഉനദ്കട്ടിന് പകരമാണ് അൺക്യാപ്ഡ് മുംബൈ ഓൾറൗണ്ടർ സൂര്യാൻഷ് ഷെഡ്ഗെ ടീമിൽ എത്തുന്നത്. ഇടംകൈയ്യൻ പേസർ ഉനദ്കട്ടിന് പരിശീലനത്തിനിടെ തോളിന് പരിക്കേറ്റിരുന്നു.
20 ലക്ഷം രൂപയ്ക്കാണ് സൂര്യൻഷ് എൽഎസ്ജിയിൽ ചേരുന്നത്. ആഭ്യന്തര ക്രിക്കറ്റിൽ മുംബൈയെ പ്രതിനിധീകരിക്കുന്ന 20 കാരനായ ഓൾറൗണ്ടറാണ് സൂര്യൻഷ്. 2022-23 സീസണിലെ മുംബൈയുടെ രഞ്ജി ട്രോഫി സ്ക്വാഡിൽ അദ്ദേഹത്തെ ഉൾപ്പെടുത്തിയിരുന്നുവെങ്കിലും ഒരു കളിയും കളിച്ചിരുന്നില്ല.
