ന്യൂസിലൻഡ് പേസ് ബൗളർ ലോക്കി ഫെർഗൂസണെ 10 കോടി നൽകി ഗുജറാത്ത് ടൈറ്റൻസ് സ്വന്തമാക്കി. കഴിഞ്ഞ ഐ പി എൽ സീസണിൽ 8 മത്സരങ്ങളിൽ നിന്ന് 13 വിക്കറ്റുകൾ നേടാൻ ഫെർഗൂസണ് ആയിരുന്നു. അവസാന രണ്ട് സീസണിലും താരം കൊൽക്കത്ത നൈറ്റ് റൈഡേഴ്സിനായാണ് കളിച്ചത്. മുമ്പ് റൈസിംഗ് പൂനക്കായും താരം കളിച്ചിട്ടുണ്ട്. ഡെൽഹി ക്യാപിറ്റൽസും ഗുജറാത്ത് ടൈറ്റൻസുമാണ് ഫെർഗൂസണായി പൊരുതിയത്. ഫെർഗൂസന്റെ അടിസ്ഥാന വില 2 കോടി ആയിരുന്നു. ബിഡ് ആറ് കോടി കഴിഞ്ഞപ്പോൾ ആർ സി ബിയും ലേലത്തിൽ ചേർന്നു. അവസാനം ഗുജറാത്തും ലക്നൗവും തമ്മിൽ ആയിരുന്നു പോരാട്ടം.
Download the Fanport app now!
