ഐപിഎലിൽ പ്ലേ ഓഫിലേക്ക് കടക്കുവാനുള്ള ആര്‍സിബിയുടെ മോഹങ്ങള്‍ സഫലീകരിക്കുവാന്‍ ടീം നേടേണ്ടത് 169 റൺസ്. ഇന്ന് ടോസ് നേടി ബാറ്റിംഗ് തിരഞ്ഞെടുത്ത ഗുജറാത്ത് ടൈറ്റന്‍സ് ക്യാപ്റ്റന്‍ ഹാര്‍ദ്ദിക് പാണ്ഡ്യയുടെ ബാറ്റിംഗ് മികവിൽ 5 വിക്കറ്റ് നഷ്ടത്തിലാണ് ഗുജറാത്ത് 168 നേടിയത്.
ഹാര്‍ദ്ദിക് പാണ്ഡ്യ 62 റൺസ് നേടിയപ്പോള്‍ ഡേവിഡ് മില്ലര്‍(34), വൃദ്ധിമന്‍ സാഹ(31) എന്നിവരാണ് മറ്റു പ്രധാന സ്കോറര്‍മാര്‍. 6 പന്തിൽ 19 റൺസ് നേടി റഷീദ് ഖാനും പാണ്ഡ്യയ്ക്കൊപ്പം നിര്‍ണ്ണായക പ്രഹരങ്ങള്‍ ഏല്പിക്കുകയായിരുന്നു. ബാംഗ്ലരിനായി ജോഷ് ഹാസൽവുഡ് 2 വിക്കറ്റ് നേടി.
