ക്യാപ്റ്റന് എംഎസ് ധോണിയുടെ അഭാവത്തില് വീണ്ടും കളി മറന്ന് ചെന്നൈ സൂപ്പര് കിംഗ്സ്. 156 റണ്സ് ജയിക്കുവാനായി നേടേണ്ടിയിരുന്ന ടീം 109 റണ്സിനു ഓള്ഔട്ട് ആവുകയായിരുന്നു. 38 റണ്സ് നേടിയ മുരളി വിജയ്യ്ക്കൊപ്പം ഡ്വെയിന് ബ്രാവോയും(20) മിച്ചല് സാന്റനറും(22) മാത്രമാണ് ചെന്നൈ നിരയില് രണ്ടക്കം കടന്ന താരങ്ങള്.
ഇന്നിംഗ്സിന്റെ ഒരു ഘട്ടത്തിലും ചെന്നൈ ബാറ്റ്സ്മാന്മാര്ക്ക് മുന്തൂക്കം നേടുവാനുള്ള അവസരം മുംബൈ ബൗളര്മാര് നല്കിയിരുന്നില്ല. ലസിത് മലിംഗ 4 വിക്കറ്റ് നേടിയപ്പോള് ക്രുണാല് പാണ്ഡ്യയും ജസ്പ്രീത് ബുംറയും രണ്ട് വീതം വിക്കറ്റും ഹാര്ദ്ദിക് പാണ്ഡ്യ, അങ്കുല് റോയ് എന്നിവര് ഓരോ വിക്കറ്റും നേടിയാണ് ചെന്നൈയെ 46 റണ്സിന്റെ വലിയ പരാജയത്തിലേക്ക് തള്ളിയിട്ടത്.
മലിംഗ 37 റണ്സ് വിട്ട് നല്കി 3.4 ഓവറില് 4 വിക്കറ്റ് നേടിയപ്പോള് ക്രുണാല് പാണ്ഡ്യ മൂന്നോവറില് ഏഴ് റണ്സും ജസ്പ്രീത് ബുംറ മൂന്നോവറില് പത്ത് റണ്സും വിട്ട് നല്കിയാണ് 2 വിക്കറ്റ് നേടിയത്.