ഐപിഎലിലെ ഏറ്റവും ഉയര്‍ന്ന ഓപ്പണിംഗ് കൂട്ടുകെട്ട് നേടി ബൈര്‍സ്റ്റോ-വാര്‍ണര്‍ കൂട്ടുകെട്ട്

ഐപിഎലിലെ ഏറ്റവും ഉയര്‍ന്ന ഓപ്പണിംഗ് കൂട്ടുകെട്ട് നേടി ജോണി ബൈര്‍സ്റ്റോ-ഡേവിഡ് വാര്‍ണര്‍ കൂട്ടുകെട്ട്. 2017ല്‍ ഗുജറാത്ത് ലയണ്‍സിനെതിരെ ക്രിസ് ലിന്‍-ഗൗതം ഗംഭീര്‍ കൂട്ടുകെട്ട് നേടിയ 184 റണ്‍സെന്ന റെക്കോര്‍ഡാണ് ഇന്ന് സണ്‍റൈസേഴ്സിന്റെ ഓപ്പണിംഗ് കൂട്ടുകെട്ട് മറികടന്നത്. 185 റണ്‍സ് നേടി റെക്കോര്‍ഡ് തകര്‍ത്ത ഉടനെ ബൈര്‍സ്റ്റോ(114) പുറത്തായി.

അതേ സമയം തുടര്‍ന്ന് ബാറ്റിംഗ് തുടര്‍ന്ന വാര്‍ണര്‍ നൂറ് റണ്‍സുമായി പുറത്താകാതെ നിന്നു. 167 റണ്‍സുമായി ക്രിസ് ഗെയില്‍-തിലകരത്നേ ദില്‍ഷന്‍ എന്നിവരാണ് പട്ടികയിലെ മൂന്നാം സ്ഥാനക്കാര്‍. 2013ല്‍ ബെംഗളൂരുവിനു വേണ്ടി പൂനെ വാരിയേഴ്സിനെതിരെയായിരുന്നു ഇവരുടെ നേട്ടം.