ആരോണ്‍ ഫിഞ്ചിന്റെയും ഗ്ലെന്‍ മാക്സ്വെല്ലിന്റെയും വെല്ലുവിളിയെ അതിജീവിച്ച് ഇന്ത്യയ്ക്ക് ആശ്വാസ ജയം. ഇന്ന് നടന്ന മൂന്നാം ഏകദിനത്തില്‍ ആദ്യം ബാറ്റ് ചെയ്ത് 302 റണ്‍സ് നേടിയ ഇന്ത്യ ഓസ്ട്രേലിയയെ 28 റണ്‍സില്‍ ഒതുക്കി 13 റണ്‍സിന്റെ വിജയം കരസ്ഥമാക്കുകയായിരുന്നു.
ടോപ് ഓര്‍ഡറില്‍ ആരോണ്‍ ഫിഞ്ചും ഇന്നിംഗ്സിന്റെ അവസാനത്തോടെ ഗ്ലെന്‍ മാക്സ്വെല്ലും ഉയര്‍ത്തിയ വെല്ലുവിളിയെയാണ് ഇന്ത്യന്‍ ബൗളര്‍മാര്‍ അതിജീവിച്ചത്. ഫിഞ്ച് 75 റണ്‍സ് നേടിയപ്പോള്‍ 38 പന്തില്‍ നിന്ന് 59 റണ്‍സുമായി ഗ്ലെന്‍ മാക്സ്വെല്‍ മത്സരം ഇന്ത്യയില്‍ നിന്ന് തട്ടിയെടുക്കുമെന്നാണ് കരുതിയത്. എന്നാല്‍ ജസ്പ്രീത് ബുംറ താരത്തെ പുറത്താക്കിയ ശേഷം ഇന്ത്യന്‍ ബൗളര്‍മാര്‍ വിക്കറ്റുകളുമായി മത്സരത്തില്‍ പിടിമുറുക്കുകയായിരുന്നു.
അലെക്സ് കാറെ(38), ആഷ്ടണ്‍ അഗര്‍(28) എന്നിവരും പൊരുതി നോക്കിയെങ്കിലും വിജയം ഇന്ത്യയ്ക്കൊപ്പം നിന്നു. ശര്‍ദ്ധുല്‍ താക്കൂര്‍ മൂന്നും ടി നടരാജന്‍ 2 വിക്കറ്റും നേടി ഓസ്ട്രേലിയയുടെ പതനം ഉറപ്പാക്കി. ജസ്പ്രീത് ബുംറയ്ക്കും രണ്ട് വിക്കറ്റ് ലഭിച്ചു.
