അധികം റണ്‍സ് പോയേക്കാം എന്നാല്‍ മധ്യ ഓവറുകളില്‍ ഈ സ്പിന്നര്‍മാര്‍ വിക്കറ്റുകള്‍ നല്‍കും

Sports Correspondent

Download the Fanport app now!
Appstore Badge
Google Play Badge 1

ഇന്ത്യയുടെ റിസ്റ്റ് സ്പിന്നിലേക്കുള്ള മാറ്റം ബോധപൂര്‍വ്വമായ നീക്കമാണെന്ന് പറഞ്ഞ് ഇന്ത്യന്‍ ടീം കോച്ച് രവി ശാസ്ത്രി. ചാമ്പ്യന്‍സ് ട്രോഫി ഫൈനല്‍ പരാജയത്തിനു ശേഷം എടുത്ത തീരുമാനമാണ് അത്. അന്ന് മധ്യ ഓവറുകളില്‍ വിക്കറ്റുകള്‍ നേടാനാകാതെ പോയതാണ് ടീമിനു തിരിച്ചടിയായത്. ടീം മാനേജ്മെന്റിന്റെ ഈ ആവശ്യം സെലക്ടര്‍മാര്‍ക്ക് വിശ്വാസം വന്നതിനാലാണ് ഈ ഒരു മാറ്റത്തിനു അവരും മുതിര്‍ന്നത്. രവീന്ദ്ര ജഡേജയെയും രവി ചന്ദ്രന്‍ അശ്വിനെയും പോലുള്ള താരങ്ങളെ മാറ്റി നിര്‍ത്തുക എന്നത് അത്ര ചെറിയ കാര്യമല്ലെന്ന് ഓര്‍ക്കണമെന്നും ശാസ്ത്രി പറഞ്ഞു.

കുല്‍ദീപും ചഹാലും മികച്ച സ്പിന്‍ ജോഡിയായി മാറിക്കഴിഞ്ഞിട്ടുണ്ട്. ഇരുവരുടെയും ഓവറുകളില്‍ ചിലപ്പോള്‍ റണ്‍സ് അധികം പോയേക്കാം എന്നാലും വിക്കറ്റുകള്‍ സുനിശ്ചിതമാണെന്ന് രവി ശാസ്ത്രി പറഞ്ഞു. മധ്യ ഓവറുകളില്‍ വിക്കറ്റുകള്‍ക്ക് ഏറെ പ്രാധാന്യമുണ്ടെന്നും രവി ശാസ്ത്രി പറഞ്ഞു.

കഴിഞ്ഞ രണ്ട് വര്‍ത്തിലായി ഇരുവരും മികച്ച രീതിയിലാണ് പന്തെറിഞ്ഞതെന്നും രവി ശാസ്ത്രി കൂട്ടിചേര്‍ത്തു. ചഹാല്‍ മാത്രം കളിച്ച വെല്ലിംഗ്ടണ്‍ ഓവല്‍ ഏകദിനത്തിലും താരം മൂന്ന് വിക്കറ്റ് നേടിയെന്നതും രവി ശാസ്ത്രി ചൂണ്ടിക്കാണിച്ചു.