ഓസ്ട്രേലിയ എ യ്ക്കെതിരെയുള്ള രണ്ടാം പരിശീലന മത്സരത്തില്‍ ബാറ്റിംഗ് തകര്‍ച്ച നേരിട്ട് ഇന്ത്യ. ടോസ് നേടി ഇന്ത്യ ബാറ്റിംഗ് തിരഞ്ഞെടുത്തെങ്കിലും പൃഥ്വി ഷാ, ശുഭ്മന്‍ ഗില്‍, ജസ്പ്രീത് ബുംറ എന്നിവരൊഴികെ ആരും കാര്യമായ മികവ് പുലര്‍ത്താനാകാതെ വന്നപ്പോള്‍ ഇന്ത്യയുടെ ഇന്നിംഗ്സ് 194 റണ്‍സിന് ഓള്‍ഔട്ട് ആകുകയായിരുന്നു.
123/9 എന്ന നിലയില്‍ വലിയ നാണക്കേടിലേക്ക് പോയ ഇന്ത്യയെ രക്ഷിച്ചത് അവസാന വിക്കറ്റ് കൂട്ടുകെട്ടാണ്. ജസ്പ്രീത് ബുംറയും മുഹമ്മദ് സിറാജും ചേര്‍ന്ന് 71 റണ്‍സാണ് അവസാന വിക്കറ്റില്‍ നേടിയത്. പൃഥ്വി ഷാ 29 പന്തില്‍ 40 റണ്‍സും ശുഭ്മന്‍ ഗില്‍ 43 റണ്‍സും നേടി. സിറാജ് 22 റണ്‍സ് നേടി പുറത്തായപ്പോള്‍ ബുംറ 55 റണ്‍സുമായി പുറത്താകാതെ നിന്നു.
ഓസ്ട്രേലിയയ്ക്ക് വേണ്ടി ജാക്ക് വൈല്‍ഡര്‍മത്ത്, ഷോണ്‍ അബോട്ട് എന്നിവര്‍ മൂന്ന് വീതം വിക്കറ്റ് നേടി.
