രണ്ടാം ഇന്നിംഗ്സിൽ രണ്ട് വിക്കറ്റ് നഷ്ടം, ഇന്ത്യയുടെ ലീഡ് 200 കടന്നു

കൗണ്ടി സെലക്ട് ഇലവനെതിരെയുള്ള സന്നാഹ മത്സരത്തിൽ രണ്ടാം ഇന്നിംഗ്സിൽ 113/2 എന്ന നിലയിൽ ഇന്ത്യ. 220/9 എന്ന നിലയിൽ രണ്ടാം ദിവസം അവസാനിപ്പിച്ച കൗണ്ടിയുടെ ഇന്നിംഗ്സ് അവേശ് ഖാന്‍ ബാറ്റിംഗിനിറങ്ങാതായതോടെ അവസാനിച്ച ശേഷം മയാംഗ് അഗര്‍വാളും ചേതേശ്വര്‍ പുജാരയും ആണ് ഇന്ത്യയ്ക്കായി ബാറ്റിംഗ് ഓപ്പണ്‍ ചെയ്തത്.

മയാംഗ് 47 റൺസും പുജാര 38 റൺസും നേടി ഒന്നാം വിക്കറ്റിൽ 87 റൺസാണ് ഇന്ത്യ നേടിയത്. ഇരുവരുടെയും വിക്കറ്റ് വീഴ്ത്തിയത് ജാക്ക് കാര്‍സൺ ആണ്. 11 വീതം റൺസ് നേടി രവീന്ദ്ര ജഡേജയും ഹനുമ വിഹാരിയും ക്രീസിലുള്ളപ്പോള്‍ ഇന്ത്യയുടെ ലീഡ് 204 റൺസിന്റെയാണ്.