ഇംഗ്ലണ്ടിനെതിരായ നാലാം ക്രിക്കറ്റ് ടെസ്റ്റിന്റെ നാലാം ദിവസം ലഞ്ചിന് പിരിയുമ്പോൾ ഇന്ത്യ ശക്തമായ നിലയിൽ. ലഞ്ചിന് പിരിയുമ്പോൾ ഇന്ത്യ 6 വിക്കറ്റ് നഷ്ടത്തിൽ 329 റൺസ് എന്ന നിലയിലാണ് ഉള്ളത്. നിലവിൽ ഇന്ത്യക്ക് 230 റൺസിന്റെ ലീഡ് ആണ് ഉള്ളത്.
രവീന്ദ്ര ജഡേജ(17), രഹാനെ(0), വിരാട് കോഹ്‌ലി(44) എന്നിവരുടെ വിക്കറ്റുകളാണ് നാലാം ദിവസം ആദ്യ സെഷനിൽ നഷ്ടമായത്. മത്സരത്തിൽ 5 സെഷനുകൾ കൂടി ബാക്കി നിൽക്കെ മികച്ച ലീഡ് നേടി ഇംഗ്ലണ്ടിനെ പ്രതിരോധത്തിലാക്കാനാവും ഇന്ത്യയുടെ ശ്രമം. നിലവിൽ 16 റൺസുമായി റിഷഭ് പന്തും 11 റൺസുമായി ഷർദുൾ തകൂറുമാണ് ക്രീസിൽ ഉള്ളത്.
