വെസ്റ്റിന്‍ഡീസിനെതിരെ രണ്ടാം ടി20യിൽ ഇന്ത്യയുടേത് മോശം ബാറ്റിംഗ് പ്രകടനമായിരുന്നുവെന്ന് പറഞ്ഞ് ഇന്ത്യന്‍ നായകന്‍ ഹാര്‍ദ്ദിക് പാണ്ഡ്യ. 170 റൺസുണ്ടായിരുന്നുവെങ്കിൽ മത്സരഫലം വ്യത്യസ്തമാകുമായിരുന്നുവെന്നാണ് താന്‍ കരുതുന്നതെന്നും ഹാര്‍ദ്ദിക് കൂട്ടിചേര്‍ത്തു.
നിലവിലെ കോമ്പിനേഷന്‍ വെച്ച് ഇന്ത്യയുടെ ടോപ് 7 ബാറ്റ്സ്മാന്മാര്‍ റൺസ് കണ്ടെത്തുമെന്നും ബാക്കി ദൗത്യം ബൗളര്‍മാര്‍ ഏറ്റെടുക്കുമെന്നും പ്രതീക്ഷിക്കുകയേ മാര്‍ഗ്ഗമുള്ളുവെന്നും ഹാര്‍ദ്ദിക് പറഞ്ഞു. മികച്ച സന്തുലിത ടീം കണ്ടെത്തേണ്ടതുണ്ടെങ്കിലും ബാറ്റ്സ്മാന്മാര്‍ റൺസ് കണ്ടെത്താതിരുന്നാൽ കാര്യങ്ങള്‍ പ്രയാസകരമായി തുടരുമെന്നും ഹാര്‍ദ്ദിക് പാണ്ഡ്യ വ്യക്തമാക്കി.
