ശ്രീലങ്കന്‍ മന്ത്രിതല പ്രതിനിധിയ്ക്ക് യോഗങ്ങളില്‍ നിരീക്ഷകനായി പങ്കെടുക്കാം: ഐസിസി

ശ്രീലങ്ക ക്രിക്കറ്റിലെ നിലവിലെ സാഹചര്യങ്ങള്‍ പരിഗണിച്ച് ശ്രീലങ്കന്‍ കായിക മന്ത്രിയുടെ പ്രതിനിധിയ്ക്ക് ഐസിസിയുടെ ബോര്‍ഡ്, ഫുള്‍ കൗണ്‍സില്‍ യോഗങ്ങളില്‍ നിരീക്ഷകനായി പങ്കെടുക്കാമെന്ന് അറിയിച്ച് ഐസിസി. ശ്രീലങ്ക ക്രിക്കറ്റിന്റെ ചുമതല ഇപ്പോള്‍ രാജ്യത്തെ കായിക മന്ത്രാലയം ആണ് മേല്‍നോട്ടം വഹിക്കുന്നത്. പുതിയ ബോര്‍ഡ് അംഗങ്ങളെ തിരഞ്ഞെടുക്കുന്നത് കോടതി ഇടപെട്ട് തടയുകയായിരുന്നു.

എന്നാല്‍ ഇപ്പോള്‍ ഇത്തരത്തില്‍ അംഗത്തിനോട് യോഗങ്ങളില്‍ പങ്കെടുക്കാമെന്ന് ഐസിസി പറഞ്ഞിട്ടുണ്ടെങ്കിലും ആറ് മാസത്തെ കാലയളവിനുള്ളില്‍ ശ്രീലങ്ക ക്രിക്കറ്റ് തിരഞ്ഞെടുപ്പ് നടത്തി പുതിയ കമ്മിറ്റിയെ നിയമിച്ചില്ലെങ്കില്‍ ശ്രീലങ്ക ക്രിക്കറ്റിന്റെ അംഗത്വത്തിനെക്കുറിച്ച് ഐസിസിയുടെ കടുത്ത നടപടിയുണ്ടെന്നാണ് അറിയിപ്പ് എത്തിയിരിക്കുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial