ആദ്യ മത്സരത്തിലേതില്‍ നിന്ന് കൃത്യമായ ലൈനിലും ലെഗ്ത്തിലും പന്തെറിയുവാന്‍ ദക്ഷിണാഫ്രിക്കയ്ക്ക് ആയതാണ് ഈ മത്സരത്തില്‍ നിന്നുള്ള ഏറ്റവും വലിയ പോസിറ്റീവ് കാര്യമായി താന്‍ കണക്കാക്കുന്നതെന്ന് പരമ്പരയിലെ താരമായി തിരഞ്ഞെടുക്കപ്പെട്ട ദക്ഷിണാഫ്രിക്കന്‍ നായകന്‍ ക്വിന്റണ്‍ ഡി കോക്ക്. വേഗത്തില്‍ തെറ്റ് തിരുത്തി എന്നത് ശ്രദ്ധേയമായ കാര്യമാണ്. കൃത്യമായ സ്ഥാനങ്ങളില്‍ ബൗള്‍ ചെയ്യുവാന്‍ ദക്ഷിണാഫ്രിക്കയ്ക്കായി. ഇതില്‍ ബ്യൂറന്‍ ഹെന്‍ഡ്രിക്സിന്റെ പ്രകടനം ഏറെ ശ്രദ്ധേയമായ ഒന്നായിരുന്നുവെന്നും ഡി കോക്ക് വ്യക്തമാക്കി.
ഫീല്‍ഡിംഗിലും ബൗളര്‍മാര്‍ മികച്ച് നിന്നുവെന്നും വിജയത്തിനായുള്ള ആവേശം കുറയാതെ ഈ ടീം നിലനിര്‍ത്തുകയാണെങ്കില്‍ മത്സര ഫലം എന്ത് തന്നെയായാലും തനിക്ക് സന്തോഷമാകുമെന്നും ഡി കോക്ക് പറഞ്ഞു.
