ടി20 ബ്ലാസ്റ്റിന് ഗ്രാന്‍ഡോമിന്റെ സേവനം ഉറപ്പാക്കി ഹാംഷയര്‍

ന്യൂസിലാണ്ട് താരം കോളിന്‍ ഡി ഗ്രാന്‍ഡോമിന്റെ സേവനം ഉറപ്പാക്കി ഹാംഷയര്‍. ടി20 ബ്ലാസ്റ്റിലെ അവസാന ഘട്ടത്തിലേക്ക് ആണ് ന്യൂസിലാണ്ട് ഓള്‍റൗണ്ടറുടെ സേവനം ഹാംഷയര്‍ ഉറപ്പാക്കിയിട്ടുള്ളത്. താരം പരിക്ക് മൂലം ഏറെക്കാലം രാജ്യാന്തര ക്രിക്കറ്റില്‍ നിന്ന് വിട്ട് നില്‍ക്കുകയായിരുന്നു.

എന്നാല്‍ ആഭ്യന്തര ടൂര്‍ണ്ണമെന്റുകളില്‍ താരം ഈ അടുത്ത് പങ്കെടുത്ത് സ്പെഷ്യലിസ്റ്റ് ബാറ്റ്സ്മാനെന്ന റോളില്‍ മാത്രം കളിച്ചിരുന്നു. കഴിഞ്ഞ മാസം താരം പൂര്‍ണ്ണമായി പരിശീലനത്തിലേക്ക് മടങ്ങിയെത്തിയിരുന്നു.