യുഎഇയിലേക്ക് ഗുപ്ടില്‍ ഇല്ല

പരിക്ക് മൂലം ന്യൂസിലാണ്ട് ഓപ്പണിംഗ് താരം മാര്‍ട്ടിന്‍ ഗുപ്ടില്‍ വരാനിരിക്കുന്ന പാക്കിസ്ഥാന്‍ പര്യടനത്തില്‍ പങ്കെടുക്കുകയില്ലെന്ന് മുഖ്യ സെലക്ടര്‍ ഗവിന്‍ ലാര്‍സെന്‍ അറിയിച്ചു. ന്യൂസിലാണ്ടിന്റെ ടി20, ഏകദിന സ്ക്വാഡുകളില്‍ അംഗമായിരുന്ന ഗുപ്ടിലിനു പ്ലങ്കറ്റ് ഷീല്‍ഡ് മത്സരത്തിനിടെയാണ് പരിക്കേറ്റത്. മാര്‍ട്ടിന്‍ ഗുപ്ടിലിനു പകരക്കാരനെ കണ്ടെത്തേണ്ടതാണ് സെലക്ടര്‍ക്കും കോച്ചിനുമുള്ള അടുത്ത വലിയ ചുമതല.

ജനുവരിയില്‍ ആരംഭിക്കുന്ന ശ്രീലങ്കന്‍ പരമ്പര സമയത്ത് ഗുപ്ടിലിനു ടീമിലേക്ക് മടങ്ങിയെത്താനാകുമെന്ന പ്രതീക്ഷയാണ് താരം പുലര്‍ത്തുന്നത്. ഒക്ടോബര്‍ 31നാണ് ന്യൂസിലാണ്ടിന്റെ യുഎഇ പര്യടനം ആരംഭിക്കുന്നത്. പാക്കിസ്ഥാനെതിരെ മൂന്ന് ടി20കളിലും മൂന്ന് ഏകദിനങ്ങളിലും മൂന്ന് ടെസ്റ്റിലും ന്യൂസിലാണ്ട് മത്സരിക്കും.

Previous articleറയൽ മാഡ്രിഡിലേക്ക് പോയില്ല എങ്കിലും ദുഖമില്ല എന്ന് ഹസാർഡ്
Next articleടി20യില്‍ കേരള വനിതകളുടെ മിന്നും പ്രകടനം, നാഗലാന്‍ഡിനെ പുറത്താക്കിയത് 28 റണ്‍സിനു