ഐസിസിയുടെ പുതിയ ചെയര്‍മാന്‍ ആയി ഗ്രെഗ് ബാര്‍ക്ലേ

Gregbarclay
- Advertisement -

ഐസിസിയുടെ പുതിയ ചെയര്‍മാന്‍ ആയി ന്യൂസിലാണ്ടിലെ ഗ്രെഗ് ബാര്‍ക്ലേ തിരഞ്ഞെടുക്കപ്പെട്ടു. 2012 മുതല്‍ ന്യൂസിലാണ്ട് ക്രിക്കറ്റിന്റെ ഡയറക്ടര്‍ ആയി ചുമതല വഹിക്കുന്ന ഇദ്ദേഹം ഒരു കമേഴ്സ്യല്‍ വക്കീല്‍ കൂടിയാണ്. ഇന്ത്യയുടെ ശശാങ്ക് മനോഹറിന് ശേഷം ഐസിസിയുടെ രണ്ടാമത്തെ സ്വതന്ത്ര ചെയര്‍മാന്‍ കൂടിയാണ് ബാര്‍ക്ലേ.

ഐസിസി ബോര്‍ഡില്‍ ന്യൂസിലാണ്ട് ക്രിക്കറ്റിന്റെ പ്രതിനിധി ആയ താരം തന്റെ പദവിയില്‍ നിന്ന് ഉടന്‍ രാജി വയ്ക്കും. ശശാങ്ക് മനോഹറിന്റെ കാലാവധി ജൂലൈയില്‍ അവസാനിച്ച ശേഷം താത്കാലിക ചെയര്‍മാന്‍ ആയി ഇമ്രാന്‍ ഖവാജ ആയിരുന്നു ചുമതല വഹിച്ചുകൊണ്ടിരുന്നത്.

2015ലെ പുരുഷ ക്രിക്കറ്റ് ലോകകപ്പിന്റെ ഡയറക്ടര്‍ കൂടിയായിരുന്നു ഗ്രെഗ് ബാര്‍ക്ലേ.

 

Advertisement