ലാബൂഷാനെയ്ക്ക് പകരം ആന്‍ഡ്രൂ ബാല്‍ബിര്‍ണേയെ സ്വന്തമാക്കി ഗ്ലാമോര്‍ഗന്‍

2021 കൗണ്ടി സീസണിന് വേണ്ടി അയര്‍ലണ്ട് ടെസ്റ്റ് ക്യാപ്റ്റന്‍ ആന്‍ഡ്രൂ ബാല്‍ബിര്‍ണേയെ സ്വന്തമാക്കി ഗ്ലാമോര്‍ഗന്‍ ക്രിക്കറ്റ്. 2021 സീസണ്‍ തുടക്കത്തിലെ ഏതാനും മത്സരങ്ങള്‍ക്കായാണ് താരം ടീമിനൊപ്പം ചേരുന്നത്. ഓസ്ട്രേലിയന്‍ ആഭ്യന്തര സീസണ്‍ കോവിഡ് കാരണം വൈകിയതിനാല്‍ മാര്‍നസ് ലാബൂഷാനെ ടീമിനൊപ്പം എത്തുന്നത് വൈകുമെന്നതിനാലാണ് പകരമായുള്ള വിദേശ താരമായി അയര്‍ലണ്ട് ടെസ്റ്റ് നായകനെ ഗ്ലാമോര്‍ഗന്‍ സ്വന്തമാക്കിയത്.

മാര്‍നസ് ലാബൂഷാനെയെ ആദ്യ കുറച്ച് മത്സരങ്ങളില്‍ നഷ്ടമാകുമെന്നത് ദുഖകരമാണെങ്കിലും ചുരുങ്ങിയ കാലയളവില്‍ ബാല്‍ബിര്‍ണേയെ ടീമിലെത്തിക്കുവാന്‍ സാധിച്ചത് ഗുണകരമാണെന്ന് ഗ്ലാമോര്‍ഗന്‍ ഡയറക്ടര്‍ ഓഫ് ക്രിക്കറ്റ് മാര്‍ക്ക് വാല്ലസ് പറഞ്ഞു.