കൊറോണ ദുരിതാശ്വാസ നിധിയിലേക്ക് വമ്പൻ സഹായവുമായി സുനിൽ ഗാവസ്‌കർ

കൊറോണ ദുരിതാശ്വാസ നിധിയിലേക്ക് വലിയ സഹായവുമായി ഇന്ത്യൻ ബാറ്റിംഗ് ഇതിഹാസം സുനിൽ ഗാവസ്‌കർ. 59 ലക്ഷം രൂപയാണ് ഗാവസ്‌കർ ദുരിതാശ്വാസ നിധിയിലേക്ക് സംഭാവനയായി നൽകിയത്. ഇതിൽ 35 ലക്ഷം രൂപ പ്രധാനമന്ത്രിയുടെ ഫണ്ടിലേക്കും 24 ലക്ഷം രൂപ മഹാരാഷ്ട്ര മുഖ്യ മന്ത്രിയുടെ ദുരിതാശ്വാസ നിധിയിലേക്കുമാണ് സംഭാവനയായി നൽകിയത്.

സുനിൽ ഗാവസ്‌കർ ദുരിതാശ്വാസ നിധിയിലേക്ക് സംഭാവന നൽകിയ വിവരം മുൻ മുംബൈ താരം അമുൽ മുജ്ഉംദർ ആണ് പുറത്തുവിട്ടത്. ഇന്ത്യക്ക് വേണ്ടി 35 സെഞ്ചുറികളും മുംബൈക്ക് വേണ്ടി 24 സെഞ്ചുറികളും ഗാവസ്‌കർ നേടിയിട്ടുണ്ട്. ഇതിന് അനുപാതികമായിട്ടാണ് ഗാവസ്‌കർ സംഭാവന നൽകിയത്. സുനിൽ ഗവാസ്കറിനെ കൂടാതെ ഇന്ത്യൻ ടെസ്റ്റ് ബാറ്റ്സ്മാൻ പൂജാരയും കൊറോണ വൈറസിനെതിരെയുള്ള പോരാട്ടത്തിന് സംഭാവന നൽകിയിരുന്നു. എന്നാൽ എത്ര തുകയാണ് നൽകിയതെന്ന് താരം വ്യക്തമാക്കിയിട്ടില്ല.