ഗബ്രിയേലിന്റെ മടങ്ങി വരവ് വിന്‍ഡീസ് ബൗളിംഗ് നിരയെ കരുത്തരാക്കും

പരിക്കിന് ശേഷം റീഹാബ് പ്രക്രിയ വിജയകരമായി പൂര്‍ത്തിയാക്കി എത്തുന്ന ഷാനണ്‍ ഗബ്രിയേലിന്റെ മടങ്ങി വരവ് ടീമിന്റെ ബൗളിംഗിന് കരുത്തേകുമെന്ന് പറഞ്ഞ് വിന്‍ഡീസ് ടെസ്റ്റ് നായകന്‍ ജേസണ്‍ ഹോള്‍ഡര്‍. ആറ് മാസത്തെ ഇടവേളയ്ക്ക് ശേഷം മടങ്ങിയെത്തുന്ന താരം ഇംഗ്ലണ്ട് പരമ്പരയ്ക്കുള്ള ടീമില്‍ ഇടം പിടിക്കുമെന്നാണ് പ്രതീക്ഷിക്കപ്പെടുന്ന്.

താരം തിരികെ എത്തുന്നു എന്നതില്‍ തനിക്ക് ഏറെ സന്തോഷമുണ്ടെന്ന് ഹോള്‍ഡര്‍ വ്യക്തമാക്കി. ആരോഗ്യവാനായി താരം തിരികെ എത്തുന്നു എന്ന വാര്‍ത്ത ആഹ്ലാദകരമാണ്. ബൗളിംഗ് ചെയ്യുമ്പോള്‍ അത്ര കണ്ട് അതില്‍ മുഴുകുന്ന താരമാണ് ഗബ്രിയേല്‍ എന്നും ഹോള്‍ഡര്‍ വ്യക്തമാക്കി. വളരെ അധികം വേദന കടിച്ചമര്‍ത്തി താരം ടീമിന് വേണ്ടി പലപ്പോഴും പന്തെറിയുന്നത് താന്‍ കണ്ടിട്ടുണ്ട്, ഇനി അതുണ്ടാവില്ല എന്നറിയുന്നതില്‍ സന്തോഷമുണ്ടെന്നും ഹോള്‍ഡര്‍ അഭിപ്രായപ്പെട്ടു.

Previous articleജർമ്മൻ ക്ലാസിക്കോയിൽ ഡോർട്ട്മുണ്ടിനെ വീഴ്ത്തി ബയേൺ മ്യൂണിക്ക്
Next articleഫവദ് അലം ടീമിന്റെ ഭാഗം, അവസരം ലഭിക്കുമ്പോളെല്ലാം താരം മികവ് പുലര്‍ത്തുമെന്നാണ് കരുതുന്നത് – അസ്ഹര്‍ അലി