ശ്രീലങ്കയ്ക്കെതിരെ ആദ്യ ഏകദിനത്തില്‍ വിജയം നേടിയ ദക്ഷിണാഫ്രിക്കയുടെ സ്പിന്നര്‍ തബ്രൈസ് ഷംസി പറയുന്നത് ഡാംബുള്ളയിലെ പിച്ച് ദക്ഷിണാഫ്രിക്കയില്‍ കാണുന്നതിനു സമാനമായ പിച്ചായിരുന്നുവെന്നാണ്. ഷംസി നാലും കാഗിസോ റബാഡ നാലും വിക്കറ്റ് നേടിയ മത്സരത്തില്‍ 193 റണ്‍സിനു ശ്രീലങ്കയെ ദക്ഷിണാഫ്രിക്ക പുറത്താക്കിയിരുന്നു. പിച്ചില്‍ നിന്ന് കാര്യമായ സ്പിന്‍ ലഭിച്ചില്ലെങ്കിലും ശ്രീലങ്കയുടെ ടോപ് ഓര്‍ഡറിനെ കാഗിസോ റബാഡ എറിഞ്ഞിടുകയായിരുന്നു.
36/5 എന്ന നിലയില്‍ നിന്ന് കുശല്‍ പെരേര-തിസാര പെരേര കൂട്ടുകെട്ടാണ് ലങ്കയെ നൂറ് കടക്കുവാന്‍ സഹായിച്ചത്. റബാഡയ്ക്ക് ശേഷം ഷംസിയും സമ്മര്‍ദ്ദം നിലനിര്‍ത്തി നാല് വിക്കറ്റുകള്‍ നേടി. ആദ്യ ഏകദിനത്തില്‍ തനിക്ക് വിക്കറ്റുകള്‍ക്കായി ശ്രമിക്കുവാനുള്ള സ്വാതന്ത്ര്യം തന്നിരുന്നു. ചില മത്സരങ്ങളില്‍ തന്നോട് റണ്‍സ് വിട്ട് നല്‍കാതെ പന്തെറിയാനായി ആവും ആവശ്യപ്പെടുക.
ഓരോ മത്സരത്തിലും ഓരോ ആവശ്യമാണെങ്കിലും താന്‍ 100 ശതമാനം ആത്മാര്‍ത്ഥയോടെയാണ് മത്സരത്തെ സമീപിക്കുന്നതെന്ന് ഷംസി പറഞ്ഞു. റബാഡയും ഗിഡിയും ചേര്‍ന്ന് ശ്രീലങ്കയെ സമ്മര്‍ദ്ദത്തിലാക്കിയ ശേഷം തനിക്കും കാര്യങ്ങള്‍ എളുപ്പമായിരുന്നുവെന്ന് പറഞ്ഞ ഷംസി 200നടുത്ത് സ്കോര്‍ ചെയ്തതില്‍ ശ്രീലങ്ക അഭിനന്ദനം അര്‍ഹിക്കുന്നുവെന്ന് പറഞ്ഞു.
കൂടുതൽ കായിക വാർത്തകൾക്ക് : www.facebook.com/FanportOfficial
