സൗത്താംപ്ടണ്‍ ടെസ്റ്റില്‍ ലഞ്ചിനു തൊട്ട് മുമ്പ് ഇംഗ്ലണ്ടിനു തിരിച്ചടി. ആദ്യ മണിക്കൂറില്‍ തന്നെ ഓപ്പണര്‍മാര്‍ നഷ്ടമായ ശേഷം കീറ്റണ്‍ ജെന്നിംഗ്സും ജോ റൂട്ടും ചേര്‍ന്ന് ഇംഗ്ലണ്ടിനെ കരകയറ്റുമെന്ന് തോന്നിപ്പിച്ച നിമിഷത്തില്‍ ലഞ്ചിനു തൊട്ടുമുമ്പ് ഇംഗ്ലണ്ടിനു കീറ്റണ്‍ ജെന്നിംഗ്സിനെ(36) നഷ്ടമായി. മുഹമ്മദ് ഷമിയാണ് താരത്തിനെ വിക്കറ്റിനു മുന്നില്‍ കുടുക്കിയത്. മത്സരത്തിന്റെ മൂന്നാം ദിവസം 6/0 എന്ന നിലയില്‍ ബാറ്റിംഗ് പുനരാരംഭിച്ച ഇംഗ്ലണ്ടിനു 33 റണ്‍സ് എടുക്കുന്നതിനിടെ കുക്കിനെയും(12), മോയിന്‍ അലിയെയും(9) നഷ്ടമായിരുന്നു.
അതിനു ശേഷം 59 റണ്‍സ് കൂട്ടുകെട്ട് നേടി മൂന്നാം വിക്കറ്റില്‍ ജെന്നിംഗ്സും-ജോ റൂട്ടും ഇംഗ്ലണ്ടിന്റെ പ്രതിരോധമായി മാറിയെങ്കിലും ലഞ്ചിനു തൊട്ട് മുമ്പ് വിക്കറ്റ് നഷ്ടമായത് ടീമിനു തിരിച്ചടിയായി. ഇംഗ്ലണ്ടിനായി 30 റണ്‍സുമായി ജോ റൂട്ടാണ് ക്രീസില്‍ നില്‍ക്കുന്നത്. ജസ്പ്രീത് ബുംറ, ഇഷാന്ത് ശര്‍മ്മ എന്നിവരാണ് ഷമിയ്ക്ക് പുറമേ ഇന്ത്യയ്ക്കായി വിക്കറ്റുകള്‍ നേടിയത്.
മത്സരത്തില്‍ ഇംഗ്ലണ്ടിനു 65 റണ്‍സിന്റെ ലീഡാണ് കൈവശമുള്ളത്.
