എഡ്ജ്ബാസ്റ്റണിൽ 303 റൺസിന് ഓള്ഔട്ട് ആയി ഇംഗ്ലണ്ട്. ഡാനിയേൽ ലോറൻസ് – മാര്ക്ക് വുഡ് സഖ്യം എട്ടാം വിക്കറ്റിൽ നേടിയ 66 റൺസിന്റെ ബലത്തിലാണ് ഇംഗ്ലണ്ട് വലിയ തകര്ച്ചയിൽ നിന്ന് രക്ഷപ്പെട്ടത്. 41 റൺസ് നേടിയ മാര്ക്ക് വുഡിനെ മാറ്റ് ഹെന്റി പുറത്താക്കിയപ്പോള് അവസാന രണ്ട് വിക്കറ്റും ട്രെന്റ് ബോള്ട്ടാണ് വീഴ്ത്തിയത്.
81 റണ്സുമായി ഡാനിയേൽ ലോറന്സ് പുറത്താകാതെ നിന്നപ്പോള് ട്രെന്റ് ബോള്ട്ട് നാലും മാറ്റ് ഹെന്റി 3 വിക്കറ്റും നേടി. അജാസ് പട്ടേലിന് രണ്ട് വിക്കറ്റും ലഭിച്ചു. ഇംഗ്ലണ്ട് നിരയിൽ ഓപ്പണര് റോറി ബേൺസും 81 റണ്സ് നേടി.
