സെഞ്ചൂറിയന്‍ ടെസ്റ്റ് വിജയിക്കുവാന്‍ ദക്ഷിണാഫ്രിക്ക നേടേണ്ടത് 149 റണ്‍സ്. 127/5 എന്ന നിലയില്‍ ബാറ്റിംഗ് പുനരാരംഭിച്ച ദക്ഷിണാഫ്രിക്കയുടെ ഒന്നാം ഇന്നിംഗ്സ് 223 റണ്‍സില്‍ അവസാനിക്കുകയായിരുന്നു. 42 റണ്‍സിന്റെ ഒന്നാം ഇന്നിംഗ്സ് ലീഡ് നേടുവാന്‍ ആതിഥേയരെ സഹായിച്ചത് റണ്‍സ് നേടിയ ടെംബ ബാവുമയും റണ്‍സ് നേടിയ ക്വിന്റണ്‍ ഡിക്കോക്കുമാണ്. ഡെയില്‍ സ്റ്റെയിന്‍(23), കാഗിസോ റബാഡ(19) എന്നിവരും പ്രധാന സ്കോറര്‍മാരായി. പാക്കിസ്ഥാനു വേണ്ടി മുഹമ്മദ് അമീറും ഷഹീന്‍ അഫ്രീദിയും 4 വീതം വിക്കറ്റും ഹസന്‍ അലി രണ്ട് വിക്കറ്റും നേടി.
രണ്ടാം ഇന്നിംഗ്സില്‍ മികച്ച തുടക്കം നേടിയ ശേഷമാണ് പാക്കിസ്ഥാന്‍ തകര്‍ന്നടിഞ്ഞത്. ഇമാം-ഉള്‍-ഹക്ക്(57)-ഷാന്‍ മസൂദ്(65) കൂട്ടുകെട്ട് പാക്കിസ്ഥാനെ 101/1 എന്ന നിലയിലേക്ക് നയിച്ച ശേഷമാണ് മത്സരത്തില്‍ പാക്കിസ്ഥാന്‍ തകര്‍ന്നടിഞ്ഞത്. 101/1 എന്ന നിലയില്‍ നിന്ന് 190 റണ്‍സിനു പാക്കിസ്ഥാന്‍ ഓള്‍ഔട്ട് ആകുമ്പോള്‍ ഡുവാനെ ഒളിവിയര്‍ 5 വിക്കറ്റും കാഗിസോ റബാഡ മൂന്നും ഡെയില്‍ സ്റ്റെയിന്‍ രണ്ടും വിക്കറ്റ് നേടി.
ആദ്യ ഇന്നിംഗ്സിലും ആറ് വിക്കറ്റ് നേടി ഡുവാനെ തന്നെയാണ് പാക്കിസ്ഥാനെ നടുവൊടിച്ചത്.
