ഈ വര്‍ഷത്തെ ആഭ്യന്തര സീസണ്‍ കോവിഡിന്റെ പശ്ചാത്തലത്തില്‍ പൂര്‍ണ്ണ തോതില്‍ നടത്താനാകില്ലെന്നതിനാല്‍ തന്നെ ബിസിസിഐ അസോസ്സിയേഷനുകളോട് അവരുടെ അഭിപ്രായം പറയുവാന്‍ ആവശ്യപ്പെട്ടിരുന്നു. ഇപ്പോള്‍ ലഭിയ്ക്കുന്ന വിവരം പ്രകാരം ഏറ്റവും അധികം അസോസ്സിയേഷനുകള്‍ തിരഞ്ഞെടുത്തത് ടി20 ഫോര്‍മാറ്റ് ആയ സയ്യദ് മുഷ്താഖ് അലി ട്രോഫി ആയിരുന്നു.
രഞ്ജി ട്രോഫിയും വിജയ് ഹസാരെ ട്രോഫിയുമാണ് രണ്ടാം സ്ഥാനത്ത് ഏറ്റവും അധികം അസോസ്സിയേഷനുകള്‍ താല്പര്യപ്പെടുന്ന ടൂര്‍ണ്ണമെന്റെന്നും അറിയുവാന്‍ കഴിയുന്നുണ്ട്. ടി20 ഫോര്‍മാറ്റിലാണ് ബയോ ബബിളുകള്‍ കൈകാര്യം ചെയ്യുവാന്‍ എളുപ്പമെന്നാണ് പല അസോസ്സിയേഷനുകളും ആവശ്യപ്പെട്ടിരിക്കുന്നത്.
