ആഭ്യന്തര ക്രിക്കറ്റ് കളിക്കാർക്കുള്ള മാച്ച് ഫീസ് വർദ്ധിപ്പിക്കുമെന്ന് ബിസിസിഐ സെക്രട്ടറി ജയ് ഷാ പ്രഖ്യാപിച്ചു. 40ൽ കൂടുതൽ മത്സരങ്ങൾ കളിക്കുന്ന ആഭ്യന്തര കളിക്കാർക്ക് 60,000 രൂപയും അണ്ടർ 23 കളിക്കാർക്ക് 25,000 രൂപയും അണ്ടർ 19 താരങ്ങൾക്ക് 20,000 രൂപയും ആയാണ് മാച്ച് ഫീ വർധിപ്പിച്ചിരിക്കുന്നത്.
ഇതുവരെ സീനിയർ പുരുഷ ആഭ്യന്തര കളിക്കാർ രഞ്ജി ട്രോഫിക്കും വിജയ് ഹസാരെ ട്രോഫിക്കും ഓരോ മത്സരദിനത്തിലും 35,000 രൂപ ആയിരുന്നു ലഭിച്ചു കൊണ്ടിരുന്നത്.
2019-20 ആഭ്യന്തര സീസണിൽ പങ്കെടുത്ത ക്രിക്കറ്റ് കളിക്കാർക്ക് കോവിഡ് -19 സാഹചര്യം മൂലം സീസൺ നഷ്ടപ്പെട്ടതിനാൽ നഷ്ടപരിഹാരമായി 50 ശതമാനം അധിക മാച്ച് ഫീസ് നൽകും എന്നും ഷാ ഇന്ന് പ്രഖ്യാപിച്ചു.
