ദാവിദ് മലനെ ഇംഗ്ലണ്ട് ലീഡ്സ് ടെസ്റ്റിനുള്ള ടീമിലുള്‍പ്പെടുത്തിയതോടെ അവര്‍ കരുത്തരായി എന്ന് പറഞ്ഞ് മുന്‍ ഓസ്ട്രേലിയന്‍ താരം ഷെയിന്‍ വോൺ. മലന്റെ വരവോട് കൂടി ഇംഗ്ലണ്ട് ബാറ്റിംഗിന്റെ കെട്ടുപാട് തന്നെ മാറിയെന്നും വോൺ പറഞ്ഞു.
ലീഡ്സിലെ മൂന്നാം ടെസ്റ്റിൽ ഇന്നിംഗ്സിനും 76 റൺസിനുമാണ് ഇംഗ്ലണ്ട് ഇന്ത്യയെ തറപറ്റിച്ചത്. കെന്നിംഗ്ടൺ ഓവലിലെ ടെസ്റ്റിൽ സ്പിന്നര്‍മാര്‍ക്ക് കൂടുതൽ സാധ്യതയുള്ളതിനാൽ തന്നെ സാം കറന് പകരം ജാക്ക് ലീഷിനെയോ മാറ്റ് പാര്‍ക്കിന്‍സണിനെയോ ഇംഗ്ലണ്ട് കളിപ്പിക്കണമെന്ന അഭിപ്രായവും വോൺ പങ്കുവെച്ചു.
മികച്ച ക്രിക്കറ്ററാണ് സാം കറനെങ്കിലും താരത്തിന് കാര്യമായി ഒരു പ്രകടനവും ഈ ടെസ്റ്റ് പരമ്പരയിൽ നേടുവാന്‍ സാധിച്ചിരുന്നില്ല. ടെസ്റ്റിൽ സാം കറന് ഒരു ബിറ്റ്സ് ആന്‍ഡ് പീസസ് ക്രിക്കറ്ററാണെന്നാണ് വോൺ അഭിപ്രായപ്പെട്ടത്.
