ഡേവ് വാട്ട്മോര്‍ ഇനി നേപ്പാളിന്റെ മുഖ്യ കോച്ച്

- Advertisement -

നേപ്പാളിന് ഇനി പുതിയ ഹെഡ് കോച്ച്. മുന്‍ നിര അന്താരാഷ്ട്ര കോച്ചായിരുന്ന ഡേവ് വാട്ട്മോറിന്റെ സേവനം ആണ് നേപ്പാള്‍ ഉറപ്പാക്കിയിരിക്കുന്നത്. 2022 ടി20 ലോകകപ്പിന് യോഗ്യത നേടിയ ടീമിനെ ഇനി പരിശീലിപ്പിക്കു ശ്രീലങ്ക, ബംഗ്ലാദേശ്, പാക്കിസ്ഥാന്‍, സിംബാബ്‍വേ എന്നിവരെ പരിശീലിപ്പിച്ച വാട്ട്മോര്‍ ആവും.

ഈ ഫെബ്രുവരിയില്‍ ഉമേഷ് പട്‍വല്‍ നേപ്പാളഅ‍ കോച്ച് സ്ഥാനം ഒഴിഞ്ഞതിന് ശേഷമാണ് പുതിയ കോച്ചിനായി ബോര്‍ഡ് തിരച്ചില്‍ ആരംഭിച്ചത്. 1996ല്‍ ശ്രീലങ്കയെ ലോകകപ്പ് കിരീടത്തിലേക്ക് നയിച്ചത് വാട്ട്മോര്‍ ആയിരുന്നു. കേരളത്തിന്റെ രഞ്ജി പരിശീലകനായും അദ്ദേഹം പ്രവര്‍ത്തിച്ചിട്ടുണ്ട്.

2018-19 സീസണില്‍ ടീമിന തങ്ങളുടെ പ്രഥമ രഞ്ജി സെമിയിലേക്ക് വാട്ട്മോര്‍ എത്തിച്ചിരുന്നു. ഐപിഎലില്‍ കൊല്‍ക്കത്ത നൈറ്റ് റൈഡേഴ്സിന്റെ പരിശീലക ചുമതല രണ്ട് വര്‍ഷം ഡേവ് വഹിച്ചിരുന്നു.

Advertisement