ടി20 ബ്ലാസ്റ്റിന് വേണ്ടി ഓസ്ട്രേലിയയുടെ ഓപ്പണിംഗ് ബാറ്റ്സ്മാനെ സ്വന്തമാക്കി ഹാംഷയര്‍. ബിഗ് ബാഷ് പോലുള്ള ടി20 ടൂര്‍ണ്ണമെന്റില്‍ ടോപ് ഓര്‍ഡറില്‍ മിന്നും ബാറ്റിംഗ് പ്രകടനം പുറത്തെടുത്തിട്ടുള്ള താരത്തിന് എന്നാല്‍ ഓസ്ട്രേലിയന്‍ നിരയില്‍ സമാനമായ പ്രകടനം പുറത്തെടുക്കുവാന്‍ സാധിച്ചിട്ടില്ല.
ജൂണ്‍ 9ന് ആരംഭിയ്ക്കുന്ന ടൂര്‍ണ്ണമെന്റിന് വേണ്ടിയാണ് താരത്തെ സ്വന്തമാക്കിയിരിക്കുന്നത്. ഇടംകൈയ്യന്‍ ബാറ്റ്സ്മാനായ ഷോര്‍ട്ട് പാര്‍ട് ടൈം സ്പിന്നറായും ബൗള്‍ ചെയ്യാറുണ്ട്. ഓസ്ട്രേലിയയ്ക്കായി വൈറ്റ് ബോള്‍ ഫോര്‍മാറ്റില്‍ 31 മത്സരങ്ങളഇല്‍ താരം കളിച്ചിട്ടുണ്ട്.
അതേ സമയം ടി20 ക്രിക്കറ്റില്‍ 3991 റണ്‍സും 48 വിക്കറ്റുമാണ് ഷോര്‍ട്ടിന്റെ നേട്ടം. മുമ്പ് ടി20 ബ്ലാസ്റ്റില്‍ ഡര്‍ഹത്തിന് വേണ്ടി താരം കളിച്ചിട്ടുണ്ട്. 2019ല്‍ ആണ് ഇത്. അന്ന് സീസണിലെ നാലാമത്തെ ഉയര്‍ന്ന റണ്‍ സ്കോറര്‍ ആകുവാന്‍ താരത്തിന് സാധിച്ചിരുന്നു.
