കരീബിയന്‍ പ്രീമിയര്‍ ലീഗില്‍ തങ്ങളുടെ ടീമിലെ കരീബിയന്‍ താരങ്ങളില്‍ പത്ത് പേരില്‍ പത്ത് പേരും ട്രിനിഡാഡ് സ്വദേശികളാണെന്നത് വലിയ നേട്ടമാണെന്നും അതില്‍ വളരെ അധികം അഭിമാനമുണ്ടെന്നും ട്രിന്‍ബാഗോ നൈറ്റ് റൈഡേഴ്സ് ഡയറക്ടര്‍ വെങ്കി മൈസൂര്‍. ട്രിന്‍ബാഗോ ഫ്രാഞ്ചൈസി കഴിഞ്ഞ അഞ്ച് വര്‍ഷമായി ഈ പ്രദേശത്ത് നിന്നുള്ള താരങ്ങളെ പ്രോത്സാഹിപ്പിക്കുവാനും ഇവിടെ നിന്നുള്ള പ്രാദേശിക പ്രതിഭകളെ കണ്ടെത്തുവാനും ഏറെ പരിശ്രമിച്ച് വരികയാണെന്നും വെങ്കി മൈസുര്‍ വ്യക്തമാക്കി.
2020 സീസണിലേക്ക് ഇപ്പോള്‍ നില നിര്‍ത്തിയ പത്ത് താരങ്ങളില്‍ മുഴുവന്‍ ആളുകളും ട്രിനിഡാഡ് ആന്‍ഡ് ടൊബാഗോയില്‍ നിന്നുള്ളവരാണെന്നത് ഫ്രാഞ്ചൈസിയ്ക്കും തനിക്ക് വ്യക്തിപരമായും ഏറെ സന്തോഷം നല്‍കുന്നുണ്ടെന്ന് വെങ്കി മൈസൂര്‍ പറഞ്ഞു.
ട്രിന്‍ബാഗോ നൈറ്റ് റൈഡേഴ്സ് സൈനിംഗുകള്‍: Dwayne Bravo (retained), Kieron Pollard
(retained), Sunil Narine (retained), Darren Bravo (retained), Lendl Simmons (retained), Khary Pierre (retained), Jayden Seales (emerging player signed), Amir Jangoo (emerging player signed), Tion Webster (retained), Akeal Hosein (retained)
