കരീബിയന്‍ പ്രീമിയര്‍ ലീഗിന്റെ 2019 സീസണില്‍ പാക്കിസ്ഥാന്‍ ഓള്‍റൗണ്ടര്‍ മുഹമ്മദ് ഹഫീസും ചേരും. 2019 സീസണില്‍ താരം സെയിന്റ് കിറ്റ്സ് & നെവിസ് പാട്രിയറ്റ്സിനോടൊപ്പമാണ് ടൂര്‍ണ്ണമെന്റിലേക്ക് എത്തുന്നത്. ദക്ഷിണാഫ്രിക്കന്‍ താരം റാസ്സി വാന്‍ ഡെര്‍ ഡൂസ്സെന് പകരമാണ് ഹഫീസ് ടീമിലേക്ക് വരുന്നത്. റാസ്സി അന്താരാഷ്ട്ര മത്സരങ്ങളുമായി തിരക്കിലാകുമെന്നതിനാലാണ് ടൂര്‍ണ്ണമെന്റില്‍ നിന്ന് വിട്ട് നില്‍ക്കുന്നത്.
സെപ്റ്റംബര്‍ 4 മുതല്‍ ഒക്ടോബര്‍ 12 വരെയാണ് 2019 കരീബിയന്‍ പ്രീമിയര്‍ ലീഗ് മത്സരങ്ങള്‍ നടക്കുന്നത്.
