കരീബിയന്‍ പ്രീമിയര്‍ ലീഗിലെ അപ്രസക്തമായ മത്സരത്തില്‍ ഇന്ന് ഒന്നാം സ്ഥാനക്കാരായ ട്രിന്‍ബാഗോ നൈറ്റ് റൈഡേഴ്സും അവസാന സ്ഥാനക്കാരായ സെയിന്റ് കിറ്റ്സ് ആന്‍ഡ് നെവിസ് പാട്രിയറ്റ്സും ഏറ്റുമുട്ടിയപ്പോള്‍ ടോസ് നേടി ആദ്യം ബാറ്റ് ചെയ്ത പാട്രിയറ്റ്സിന് തകര്‍ച്ച. ട്രിന്‍ബാഗോ നൈറ്റ് റൈഡേഴ്സ് സ്പിന്നര്‍മാരുടെ മുന്നില്‍ പതറിയ പാട്രിയറ്റ്സ് ബാറ്റ്സ്മാന്മാര്‍ക്ക് 77 റണ്‍സിന് ഓള്‍ഔട്ട് ആകുകയായിരുന്നു.
ഫവദ് അഹമ്മദും പ്രവീണ്‍ താംബെയും സിക്കന്ദര്‍ റാസയുമെല്ലാം വിക്കറ്റ് പട്ടികയില്‍ ഇടം പിടിച്ചപ്പോള്‍ ഒരു ഘട്ടത്തില്‍ 33/5 എന്ന നിലയിലേക്ക് പാട്രിയറ്റ്സ് വീണു. 19 റണ്‍സ് നേടിയ ദിനേഷ് രാംദിന്‍ ആണ് പാട്രിയറ്റ്സിന്റെ ടോപ് സ്കോറര്‍. പാട്രിയറ്റ്സ് ക്യാപ്റ്റന്‍ റയാദ് എമ്രിറ്റ് 15 റണ്‍സ് നേടി.
ഫവദ് അഹമ്മദ് നാലും അകീല്‍ ഹൊസൈന്‍ രണ്ടും വിക്കറ്റ് നേടി.
