അനന്തപുരി ഹോസ്പിറ്റല്‍സ് ട്രിവാന്‍ഡ്രം കോര്‍പ്പറേറ്റ് ടി20യില്‍ മികച്ച വിജയവുമായി സാബ് ഇന്റീരിയേഴ്സ്. ഇന്ന് നടന്ന ഏക മത്സരത്തില്‍ സാബ് ആദ്യം ബാറ്റ് ചെയ്ത പിആര്‍എസ് ഹോസ്പിറ്റല്‍സിനെ 18.1 ഓവറില്‍ 53/8 എന്ന സ്കോറില്‍ ഒതുക്കുകയായിരുന്നു.ലക്ഷ്യം 7.1 ഓവറില്‍ 1 വിക്കറ്റ് നഷ്ടത്തിലാണ് സാബ് മറികടന്നത്. 22 റണ്‍സുമായി സിഎസ് അക്ഷയ്, 17 റണ്‍സ് നേടിയ ജിത്തു ബാബുജി എന്നിവരാണ് സാബിന്റെ പ്രധാന സ്കോറര്‍മാര്‍.
ആദ്യം ബാറ്റ് ചെയ്ത പിആര്‍എസിനായി കാര്യമായ പ്രകടനം ആരില്‍ നിന്നുമുണ്ടായില്ല. 10 റണ്‍സ് നേടിയ ദീപുവാണ് ടോപ് സ്കോറര്‍. സാബിന് വേണ്ടി രാഹുല്‍, വിശാഖ്, പ്രേംജിത്ത് എന്നിവര്‍ രണ്ട് വീതം വിക്കറ്റ് നേടി.
