യുവരാജ് സിംഗിനും ഹർഭജൻ സിംഗിനുമെതിരെയുള്ള വിമർശനങ്ങൾ മനുഷ്യത്വ രഹിതമെന്ന് ഷൊഹൈബ് അക്തർ

- Advertisement -

കൊറോണ വൈറസ് ബാധക്കെതിരെ താൻ നടത്തുന്ന പ്രവർത്തനങ്ങളെ പിന്തുണച്ചതിന്റെ പേരിൽ മുൻ ഇന്ത്യൻ താരങ്ങളായ യുവരാജ് സിംഗിനും ഹർഭജൻ സിംഗിനും നേരെ വിമർശനങ്ങൾ ഉന്നയിക്കുന്നത് മനുഷ്യത്വ രഹിതമാണെന്ന് മുൻ പാകിസ്ഥാൻ താരം ഷൊഹൈബ് അക്തർ. ഇരു താരങ്ങൾക്കുമെതിരെയുള്ള വിമർശനങ്ങൾ മനുഷ്യത്വ രഹിതമാണെന്നും ഇത് ഇപ്പോൾ ഒരു രാജ്യത്തെ കുറിച്ചോ ഒരു മതത്തെ കുറിച്ചോ ഉള്ളതല്ലെന്നും മനുഷ്യത്വത്തെ കുറിച്ചാണെന്നും മുൻ പാകിസ്ഥാൻ ഫാസ്റ്റ് ബൗളർ പറഞ്ഞു.

ഷൊഹൈബ് അക്തറിന്റെ പ്രവർത്തനങ്ങളെ പിന്തുണച്ചതിന്റെ പേരിൽ മുൻ ഇന്ത്യൻ താരങ്ങളായ യുവരാജ് സിംഗിനും ഹർഭജൻ സിംഗിനും സോഷ്യൽ മീഡിയയിൽ കടുത്ത വിമർശനങ്ങൾ ഉയർന്നിരുന്നു. ഇതിനെ തുടർന്നാണ് പ്രതികരണവുമായി ഷൊഹൈബ് അക്തർ രംഗത്തെത്തിയത്. ഇന്ത്യക്കാരോട് തനിക്ക് ഒരുപാട് ബഹുമാനം ഉണ്ടെന്നും ഇന്ത്യയിൽ നിന്ന് താൻ ഉണ്ടാക്കിയ പണത്തിന്റെ ഒരു ഭാഗം താൻ ഇന്ത്യയിലെ പാവങ്ങൾക്ക് വേണ്ടി ചിലവഴിച്ചിട്ടുണ്ടെന്നും അക്തർ പറഞ്ഞു.

Advertisement