ക്രിസ് ഗ്രീനുമായി കരാറിലെത്തി മിഡിൽസെക്സ്

- Advertisement -

ടി20 ബ്ലാസ്റ്റിന്റെ ആദ്യ പകുതിയിൽ ഓസ്ട്രേലിയൻ താരം ക്രിസ് ഗ്രീനിന്റെ സേവനം ഉറപ്പാക്കി മിഡൽസെക്സ്. അഫ്ഗാനിസ്ഥാന്‍ താരം മുജീബ് ഉര്‍ റഹ്മാൻ വിസ പ്രശ്നങ്ങള്‍ കാരണം ഇംഗ്ലണ്ടിലേക്ക് എത്തുന്നത് വൈകുമെന്നതിനാലാണ് പകരം ടി20 ബ്ലാസ്റ്റിന്റെ ആദ്യ മത്സരങ്ങളിലേക്ക് ക്രിസ് ഗ്രീനിനെ ഫ്രാ‍ഞ്ചൈസി സ്വന്തമാക്കിയത്. മുജീബ് അവസാന ഏഴ് മത്സരങ്ങള്‍ക്കായി ടീമിനൊപ്പം എത്തും.

2019ൽ വാര്‍വിക്ക്ഷയറിന് വേണ്ടി കളിച്ചിട്ടുള്ളയാളാണ് ക്രിസ് ഗ്രീന്‍. അത് കൂടാതെ ബിഗ് ബാഷ്, ഇന്ത്യന്‍ പ്രീമിയര്‍ ലീഗ്, കരീബിയൻ പ്രീമിയര്‍ ലീഗ് തുടങ്ങി നിരവധി ലീഗുകളിലും ഗ്രീൻ കളിച്ചിട്ടുണ്ട്. 108 ടി20 മത്സരങ്ങളിൽ നിന്ന് 87 വിക്കറ്റാണ് ഗ്രീന്‍ നേടിയിട്ടുള്ളത്. ബിഗ് ബാഷിൽ സിഡ്നി തണ്ടറിന് വേണ്ടി മികച്ച പ്രകടനം പുറത്തെടുത്തിട്ടുള്ളയാളാണ് താരം.

Advertisement