തകര്‍പ്പന്‍ ജയം, ഏജീസ് സെമി ഫൈനലില്‍

നിലവിലെ ചാമ്പ്യന്മാരായ പ്രതിഭ സിസിയ്ക്കെതിരെ 91 റൺസ് വിജയം നേടി ഏജീസ്. ഇന്ന് നടന്ന ഗ്രൂപ്പ് എ മത്സരത്തിൽ ആദ്യം ബാറ്റ് ചെയ്ത ഏജീസ് 139 റൺസിന് ഓള്‍ഔട്ട് ആയെങ്കിലും എതിരാളികളെ വെറും 48 റൺസിന് എറിഞ്ഞൊതുക്കിയാണ് ടീമിന്റെ വിജയം.

വിജയത്തോടെ ഏജീസ് 26ാമത് സെലെസ്റ്റിയൽ ട്രോഫി സെമി ഫൈനലില്‍ പ്രവേശിച്ചു. പ്രതിഭയ്ക്കെതിരെ വിജയവും ടീമിനെ 125 റൺസിന് താഴെ ഒതുക്കിയാൽ സെമി ഫൈനലില്‍ പ്രവേശിക്കാമെന്നിരിക്കെയാണ് തകര്‍പ്പന്‍ ജയം ഏജീസ് സ്വന്തമാക്കിയത്.

28 റൺസ് നേടിയ ജാക്സൺ ക്ലീറ്റസ് ആണ് പ്രതിഭയുടെ ടോപ് സ്കോറര്‍. മനുകൃഷ്ണന്‍ ടോപ് ഓര്‍ഡറിൽ മൂന്ന് വിക്കറ്റ് നേടിയപ്പോള്‍ നാല് വിക്കറ്റ് നേടിയ മിഥുന്‍ ഏജീസിന്റെ മികച്ച വിജയം സാധ്യമാക്കുകയായിരുന്നു.

Smidhun

നേരത്തെ ഏജീസ് 139 റൺസാണ് ആദ്യം ബാറ്റ് ചെയ്ത് നേടിയത്. 28.2 ഓവറിൽ ടീം ഓള്‍ഔട്ട് ആയപ്പോള്‍ ഏജീസിനായി 33 റൺസുമായി വിനൂപ് എസ് മനോഹരന്‍ ടോപ് സ്കോറര്‍ ആയി. മുഹമ്മദ് ഷാനു(24), അഖിൽ എംഎസ്(23) എന്നിവരാണ് മറ്റു പ്രധാന സ്കോറര്‍മാര്‍.

പ്രതിഭയ്ക്ക് വേണ്ടി ഷറഫുദ്ദീന്‍ എന്‍‍എം നാല് വിക്കറ്റും വിനിൽ, നിധീഷ്, ശ്രീനാഥ് എന്നിവര്‍ രണ്ട് വീതം വിക്കറ്റും നേടി.