ഇന്ത്യൻ ഫാസ്റ്റ് ബൗളർ ജസ്പ്രീത് ബുംറയുടെ കരിയർ കൂടുതൽ കാലം നീണ്ടു നിൽക്കില്ലെന്ന് മുൻ പാകിസ്ഥാൻ ഫാസ്റ്റ് ബൗളർ ഷൊഹൈബ് അക്തർ. ബുംറയുടെ ആക്ഷൻ മറ്റു ബൗളർമാരിൽ നിന്ന് വളരെ വ്യത്യസ്തമാണെന്നും അത് കൊണ്ട് തന്നെ ബുംറക്ക് എല്ലാ ഫോർമാറ്റിലും കളിക്കാൻ കഴിയില്ലെന്നും അക്തർ പറഞ്ഞു. ചുരുങ്ങിയ കാലയളവിൽ തന്നെ ഒരുപാടു പരിക്കുകൾ വേട്ടയാടിയ താരമാണ് ബുംറ.
താരത്തിന്റെ ആക്ഷൻ താരത്തിന്റെ പുറം ഭാഗത്തിന് ഒരുപാട് പ്രശ്നം ഉണ്ടാക്കുമെന്നും മുൻ പാകിസ്ഥാൻ ഫാസ്റ്റ് ബൗളർ പറഞ്ഞു. ടെസ്റ്റ് മത്സരങ്ങളിൽ ബുംറയുടെ പ്രകടനം മികച്ചതായിരുന്നെന്നും ബുംറയുടെ കഠിനാദ്ധ്വാനം ആണ് താരത്തെ ഇവിടെ എത്തിച്ചതെന്നും അക്തർ പറഞ്ഞു. എന്നാൽ താരത്തിന്റെ പുറം അദ്ദേത്തിന് ദീർഘ കാലം കരിയർ നിർത്തികൊണ്ടുപോവാൻ സഹായിക്കുമെന്ന് തോന്നുന്നില്ലെന്നും അക്തർ പറഞ്ഞു.
