ബ്രാവോയും ഹെറ്റ്മ്യറും പിന്‍വാങ്ങിയത് ദൗര്‍ഭാഗ്യകരം, എന്നാല്‍ വിന്‍ഡീസിന്റേത് മികച്ച സ്ക്വാഡ് തന്നെ

- Advertisement -

ഡാരെന്‍ ബ്രാവോയും ഷിമ്രണ്‍ ഹെറ്റ്മ്യറും വിന്‍ഡീസിന്റെ ഇംഗ്ലണ്ട് പര്യടനത്തില്‍ നിന്ന് പിന്മാറിയിരുന്നു. കൊറോണയുടെ പശ്ചാത്തലത്തില്‍ ഇപ്പോള്‍ ഇത്തരത്തിലൊരു പര്യടനം അനുയോജ്യമല്ലെന്ന കാരണത്താലാണ് ഇരുവരും പര്യടനത്തില്‍ പങ്കെടുക്കാതെ പിന്മാറിയത്. എന്നാല്‍ അവരുടെ അസാന്നിദ്ധ്യത്തിലും മികച്ച സ്ക്വാഡ് തന്നെയാണ് വിന്‍ഡീസിന്റേതെന്ന് മുഖ്യ കോച്ച് ഫില്‍ സിമ്മണ്‍സ് വ്യക്തമാക്കി.

ഇരുവരുടെയും തീരുമാനം ദൗര്‍ഭാഗ്യകരമാണെന്നും കളിക്കാരെന്ന നിലയില്‍ അവരുടെ കഴിവ് ഏവര്‍ക്കും സുപരിചതമാണെന്ന് പറഞ്ഞ് ഫില്‍ സിമ്മണ്‍സ്, ഈ താരങ്ങളുടെ അഭാവത്തിലും ശക്തമായ സ്ക്വാഡ് തന്നെയാണ് വിന്‍ഡീസിനുള്ളതെന്ന് വ്യക്തമാക്കി. അവര്‍ക്ക് പകരക്കാരായി എത്തുന്നവര്‍ മികച്ച പ്രകടനം നടത്തി അവരുടെ അഭാവം നികത്തുമെന്നാണ് താന്‍ പ്രതീക്ഷിക്കുന്നതെന്ന് സിമ്മണ്‍സ് വ്യക്തമാക്കി.

Advertisement