ബൗളര്‍മാര്‍ അറിയാതെ തുപ്പല്‍ ഉപയോഗിച്ചേക്കാം, അത് അവരുടെ സ്വാഭാവിക പ്രതികരണം, മാസ്ക് നിര്‍ബന്ധമാക്കേണ്ടി വരും – മിസ്ബ ഉള്‍ ഹക്ക്

- Advertisement -

ബൗളര്‍മാര്‍ വിയര്‍പ്പോ തുപ്പലോ പന്ത് ഷൈന്‍ ചെയ്യുവാന്‍ ഉപയോഗിക്കുന്നതില്‍ നിന്ന് ഐസിസി വിലക്കിയിട്ടുണ്ടെങ്കിലും അത് അത്ര പ്രായോഗികമല്ലെന്ന് വ്യക്തമാക്കി പാക്കിസ്ഥാന്‍ കോച്ചും മുന്‍ നായകനുമായ മിസ്ബ ഉള്‍ ഹക്ക്. ബൗളര്‍മാരുടെ സ്വാഭാവിക പ്രതികരണമാണ് പന്തില്‍ തുപ്പല്‍ തേയ്ക്കുക. അവര്‍ അത് കാലങ്ങളായി ചെയ്ത് വരുന്ന കാര്യമാണ്, അതിനാല്‍ തന്നെ പെട്ടെന്നൊരു ദിവസം അത് വിലക്കിയാല്‍ അവര്‍ അത് ചെയ്യില്ലെന്ന് ഉറപ്പിക്കാനാകില്ലെന്ന് മിസ്ബ വ്യക്തമാക്കി.

ഇത് ബൗളര്‍മാരുടെ ഒരു ശീലമാണ്, അവര്‍ ക്രിക്കറ്റ് കളിക്കുന്ന കാലം മുതല്‍ ചെയ്ത് വരുന്നത്, അതിനാല്‍ പെട്ടെന്ന് അത് അവസാനിപ്പിക്കാനാകില്ല. ഇത്തരം നിയന്ത്രണങ്ങള്‍ ഏര്‍പ്പെടുന്നതിനൊപ്പം ബൗളര്‍മാരെ മാസ്ക് ധരിപ്പിക്കേണ്ടിയും വരും ഇതില്‍ നിന്ന് അവരെ പിന്തിരിപ്പിക്കാനെന്ന് മിസ്ബ വ്യക്തമാക്കി.

തന്റെ അഭിപ്രായത്തില്‍ അവര്‍ തുപ്പല്‍ പുരട്ടുന്നത് തടയുന്നതിനായി മാസ്കോ മറ്റു വല്ല പ്രതിരോധ ക്രമീകരണങ്ങളോ ഏര്‍പ്പെടുത്തേണ്ടി വരുമെന്ന് മിസ്ബ വ്യക്തമാക്കി.

Advertisement